Լիբանան` «Ահրար Սուննա Պաալպեք» խմբաւորումը կը սպառանյ քանդել եկեղեցիները. Արտակարգ
նիստ` Պաալպեքի Մարոնի համայնքի առաջնորդարանին մէջ։
Պաալպեքի մարոնի համայնքի առաջնորդարանին մէջ երէկ տեղի ունեցաւ հանդիպում մը, որուն
մասնակցեցան մարոնի համայնքի Պաալպեքի առաջնորդ Էլիաս Ռահհալ եպիսկոպոսը, Պաալպեք-Հերմելի
միւֆթի շէյխ Այման Ռիֆահի, միւֆթի Խալիլ Շքէյր եւ շրջանի քաղաքապետն ու քաղաքապետական
խորհուրդի անդամները, ինչպէս նաեւ շրջանի առեւտրականները:Առաջնորդարանին մէջ գումարուած արտակարգ այս ժողովին ընթացքին քննարկուեցան «Ահրար Սուննա Պաալպեք» խմբաւորումին հրապարակած յայտարարութիւնը, որ կը սպառնար եկեղեցիներուն:
Հանդիպումին ընթացքին ընդգծուեցաւ Պաալպեքի մէջ իսլամ-քրիստոնեայ միասնականութիւնը պահպանելու կարեւորութիւնը` ընդգծելով, որ քրիստոնեաները Արեւելքի մէջ արմատներ ունին:
Հանդիպումին ընթացքին քրիստոնեաներուն կոչ ուղղուեցաւ պատարագներ մատուցելու, ինչպէս նաեւ նախազգուշութիւններ որդեգրելու եւ պետական ապահովական կառոյցներուն վստահելու եկեղեցիներուն պաշտպանութիւնը:
Իր կարգին, շէյխ Այման Ռիֆահի յայտնեց, որ այս Արեւելքին մէջ ոչ ոքի պաշտպանութեան կարիքը ունին` շեշտելով, որ նման յայտարարութիւնները գաղտնի սպասարկութեան գործեր են, որոնք կը միտին քրիստոնեայ եւ իսլամ քաղաքացիներուն միջեւ լարուածութիւն ու սադրանք պատճառել:
Պաալպեքի քաղաքապետ Համատ Հասան իր կարգին մերժեց եւ խստիւ դատապարտեց եկեղեցիներուն դէմ սպառնալիքը` աւելցնելով, որ սիւննի համայնքը եւս Պաալպեքի ազգային հիւսուածքին մաս կը կազմէ:
| All the contents on this site are copyrighted ©. |